Sjóslys

Réttur sjómanna til bóta vegna vinnuslysa er ríkari en almennt gerist. Sjómenn sem slasast við vinnu eiga rétt til bóta vegna alls þess tjóns sem þeir verða fyrir vegna slyssins. Ekki er gerð krafa um að sýnt sé fram á sök vinnuveitanda eða annars aðila til þess að bótaréttur skapist.

Helstu bótaþættir eru eftirtaldir

ÚTLAGÐUR KOSTNAÐUR

Útlagður kostnaður vegna slyssins, s.s. kostnaður vegna læknisheimsókna, sjúkraþjálfunar, lyfja o.fl.

MUNATJÓN

Munatjón, s.s. tjón á fatnaði og munum sem skemmast eða eyðileggjast í slysi.

TEKJUTJÓN

Þeir sem missa úr vinnu í kjölfar slyss eiga rétt á greiðslu vegna tekjumissis. Tryggingafélagið greiðir tekjutap eftir að veikindaréttur hjá vinnuveitanda er tæmdur.

ÞJÁNINGABÆTUR

Bætur eru greiddar fyrir hvern dag sem slasaði er annars vegar rúmliggjandi í kjölfar slyss og hins vegar veikur án þess að vera rúmliggjandi.

MISKABÆTUR

Bætur vegna varanlegs miska vegna líkamstjóns.

VARANLEG ÖRORKA

Valdi slys varanlegri skerðingu á starfsorku greiðir tryggingafélag bætur vegna varanlegrar örorku.

LÖGFRÆÐIKOSTNAÐUR

Tryggingafélag greiðir stærstan hluta lögmannskostnaðar þeirra sem slasast í sjóslysum.

ANNAÐ FJÁRTJÓN

Valdi slys öðru fjartjóni en að framan hefur verið nefnt á hinn slasaði rétt á að fá það bætt frá tryggingafélagi.

Þjónusta Þíns Réttar

Lögmannsþjónusta Þíns Réttar er skjólstæðingum okkar ávallt að kostnaðarlausu ef engar bætur fást.

Fyrsti fundur með lögmanni er viðskiptavinum alltaf að kostnaðarlausu.

Á fyrsta fundi veitir lögmaður mat á réttarstöðu og ráðgjöf um næstu skref.

Gerður er samningur um framhald málsins þar sem viðskiptavinur veitir lögmanni Þíns Réttar umboð til þess að koma fram fyrir sína hönd gagnvart því tryggingafélagi eða öðrum sem krafa um bætur beinist að.

Þóknun vegna vinnu lögmanna Þíns Réttar greiðist aðeins ef bætur innheimtast og ákvarðast þóknun sem hlutfall af fjárhæð þeirra bóta sem greiddar eru.

Þinn Réttur kappkostar að veita persónulega og fagmannlega lögfræðiþjónustu.

Reyndir lögmenn annast málið frá upphafi til enda og eru til ávallt til taks til þess að veita ráðgjöf og svara spurningum þínum.

Þinn Réttur skilur að það er mikilvægt fyrir viðskiptavini að vera upplýstir um gang sinna mála.

Viðskiptavinir okkar geta gengið að því sem vísu að ná sambandi við þann lögmann sem annast málið hvenær sem er undir rekstri þess.

Ferill slysamáls hefst á fyrsta fundi með lögmanni Þíns Réttar.

Ferill slysamáls hefst á því að viðskiptavinur hittir lögmanns Þíns Réttar á fundi þar sem lögmaður gefur álit sitt á réttarstöðu viðskiptavinar og gerður er samningur um framhald málsins.
Lögmaður sér um að tilkynna slysið til tryggingafélags og/eða annarra bótaskyldra aðila.
Lögmaður aflar allra nauðsynlegra gagna í samráði við viðskiptavin. Helstu gögn í slysamálum eru jafnan áverkavottorð, vottorð heimilislæknis, sérfræðilæknis og annarra meðferðaraðila, svo sem skýrsla frá sjúkraþjálfara, sálfræðingi eða öðrum sem viðskiptavinur hefur leitað til vegna afleiðinga slyssins.
Viðskiptavinur er boðaður á fund matsmanna, oftast læknis og lögfræðings. Á matsfundi liggja öll gögn málsins fyrir og hlutverk matsmanna er að meta bæði tímabundnar og varanlegar afleiðingar slyssins.
Þegar matsgerð liggur fyrir gerir lögmaður kröfu um bætur á tryggingafélag og aðra bótaskylda aðila og í kjölfarið er málið gert upp og bætur greiddar til viðskiptavinar.

Misjafnt er hve langan tíma málsmeðferðin tekur en í flestum tilvikum er unnt að ljúka slysamáli á 12-18 mánuðum frá því að slys verður.

Hafðu samband í dag og við komum á fundi þegar þér hentar.

Mikilvægt er að brugðist sé skjótt við í kjölfar slyss til þess að tryggja að ekki sé farið á mis við rétt til bóta.

Mikilvægt er að tilkynna um slys sem fyrst til þess að tryggja að réttur til bóta glatist ekki. Í flestum tilfellum á viðskiptavinur rétt á endurgreiðslu sjúkrakostnaðar frá tryggingafélagi en slíkur kostnaður er ekki greiddur fyrr en tilkynnt hefur verið um slys.

Þeir sem lenda í umferðarslysum eiga jafnframt rétt til bóta vegna tekjutjóns ef þeir eru frá vinnu vegna slyss og er nauðsynlegt að tilkynnt hafi verið um slys til þess að slíkar bætur fáist greiddar.

Slys þarf að að jafnaði að tilkynna innan eins árs frá þeim tíma þegar hinn slasaði gerði sér grein fyrir tjóni sínu.

Krafa um bætur vegna slyss fyrnist á fjórum árum og miðast upphaf frestsins við áramót.

Krafa fyrnist í síðasta lagi 10 árum frá slysdegi.

Þinn Réttur veitir ókeypis lögfræðiráðgjöf alla fimmtudaga á milli 17:00-19:00.

Þinn Réttur býður fyrst lögmannsstofa upp á viðtalsþjónustu utan hefðbundins skrifstofutíma.

Fyrir þá sem eiga erfitt með að komast til fundar við lögmann á hefðbundnum skrifstofutíma býður Þinn Réttur viðskiptavinum sínum að koma til fundar með lögmanni á fimmtudögum milli 17-19. Hægt er að bóka tíma með því að senda tölvupóst á netfang info@thinnrettur.is eða í síma 412-2828.

Þinn réttur er með opinn síma allan sólarhringinn. Hringdu af vettvangi og fáðu álit lögmanns.

Þegar slys verður eru fyrstu skrefin afar mikilvæg.

Lögmenn Þíns Réttar eru ávallt við símann. Við hvetjum þig til þess að hafa samband hvenær sem er í síma 412-2828 og fá ráðleggingar um hvernig best er að tryggja rétt þinn strax frá upphafi.